FiT එකේ අපි,


මිතුරුකම් වලට පෙරේත, හතුරුකම් අජූත, ආදරය ගලනා, සහෝදර කම් සොයා යන්නන්ගේ පරම්පරාව නියෝජනය කරන්නෙමු. .

බැරකුඩාවේ කුඩාවට...

3.10.2014

සත්ගුණවත් ඇටයාද, චිලිපේස්ට් බතලිද, කපුටුකොණ්ඩ රැවුලාද අනාගාමික කොටාගේ ගෙදර පාටියට සෙට් වූයේ නැත. ඒ නිසාම සත්ගුණවත් ඇටයා කොළොම්පුර මංගච්චන දිනයකදී නැවත සෙට්විය යුතු බව බ්‍රහ්මචාරී මරුවා යෝජනා කළේය. මාසයක සහ ‍යාන්තං මේල් 50ක පමණ ඇවෑමෙන් සකල ලෝ වාසී සියළු දෙනා කාන්තාවන්ට සෙත් පැතීමට යොදාගත්තා වූ මාර්තු 08 වෙනිදාව දිනය වශයෙන් යෝජනා විය.

කොළඹ අවට තැනක් වීම සහ ෂේප් ගාණකට නිදහසේ සෙට්වීම අවශ්‍ය වූ නිසා තැන් දෙක තුනක් සැලකීමෙන් පසු දෙහිවල වාසල පාරේ බැරකුඩා (Barracuda seafood & grill) නම් ක්සේම භූමිය සෙටා වීම සඳහා ඒක ඡන්දයෙන් සම්මත විය.

කෙසේ නමුත් අවසානයේ පතල් දතාද, කළු බතලයාද, අනාගාමික කොටාද තමන්ට සහභාගී වෙන්නට බැරි බව ප්‍රකාශ කළේය.

ඉතිං නියමිත දිනයේ බ්‍රහ්මචාරී මරුවා, සෙම්බු තඩියා, පාන් ඕපන් සූසා, බොහොම රැවුලා සහ උගේ ආදරණීය යක්ෂණී හෙවත් ටිෂූ ලිමිටඩ් මැතිණිය යන අය විලියම්ස් හන්දියේ චාටර් නොවී බැරකුඩාවටම සැපත් වූවෝය. ඒ වන විට දෙහිවල පසුකරමින් සිටි සත්ගුණවත් ඇටයා සහ චිලිපේස්ට් බතලි යන දෙදෙනාද තවත් මදකින් බැරකුඩාගත විය.

බැරකුඩාව යන්න එන්න අමාරුවක් නැති තැනකි. දෙහිවල විලියම්ස් අඹරන මෝල ගාවින් මුහුද පැත්තට ඇති වාසල පාර ඔෆීශියල් පාරය. ඒ පාරේ කෙළවරදී වමට හැරුණ විට රේල් පාරෙන් එහා බැරකුඩාවේ බෝඩ් ලෑල්ල දිස් වේ. රේල් පාරේ කෝච්චි නැති වේලාවක් බලා පාර පැන බැරකුඩාවට යා යුතුය. වාසල පාර හරි නෑ වගේ නං ‍දෙහිවල පැත්තට වෙන්න තියෙන මෙල්ෆර්ඩ් ක්‍රෙසන්ට් එකේ ගිහින් වුවත් පොට් එකට සෙට් විය හැක.

බැරකුඩාවට  කට්ටිය සෙට් වූයේ උදේ 11ටය. රිසවේෂන් එකක් කලින් දමන ලදී. පොට් එක පොඩිය. ඒත් ගතිය. මුහුද පැත්ත සහ රේල් පාර පැත්ත වැටකින් ආවරණය වී ඇත. උවමනා නං වැල්ලට යන්නට පුළුවන්ය. වැටට අමතරව වැටකේ පඳුරුවලින් තැන ආවරණය වීලා ය. උඩින් වහලක් නැත. සැලසුම් සහගතව හිටවන ලද කොට්ටම්බා ගස්වල කොළ වලින් බොහොම හොඳ වියනක් සැදී ඇත. රස්ණෙ නැත. අපහසුවක් නැත. දාඩිය දැමුවේද නැත. බිම වැල්ල මත මේස සහ පුටු සෙට් වෙන අයට අවශ්‍ය පරිදි අහුරා දෙනු ලැබේ.

වැඩිය කියන්න බෑ ය. මෙයාලගේ කැරැට්ටුව මේන් මේ තැන්වල තියෙනවාය.

yamu.lk
Facebook > barracuda
barracuda.lk

ඒ වන විට කපුටු කොණ්ඩ රැවුලා සහ උගේ ආදරණීය යක්ෂණී හෙවත් ඇටමාල බොක්සිනී ටයිසන් මෙනවිය පැමිණීමට නියමිතව තිබුණු අතර උන් එන තුරු තවත් පැයක් චාටර් වීමට නොහැකි වීම හේතුවෙන් බ්‍රහ්මචාරී මරුවා ඇබ්සොලුට් වොඩ්කාවක් සහ බකාදියක් එළියට ඇද්දේය. කාන්තාවන් සහ පුරුෂයින් සියල්ලෝ කිසිදු පැකිලීමකින් තොරව තම තමාගේ මනාපය පරිදි කලවම් කිරීමට අවශ්‍ය පාන වර්ග සහ කෑම වර්ග තේරුවෝය.

බැරකුඩාවේ ලිකර් නැත. බියර් ඇත. කට්ටිය කෑමට ගත් බටර්ඩ් කටල් ෆිෂ්, වෙජිටබල් චොප්සුයි, ෆ්‍රයිඩ් චිකන් සහ ෆ්‍රයිඩ් රයිස් සුපිරි නිර්මාණය. ඒත් ඩීප් ෆ්‍රයිඩ් බීෆ් එකනං නමේ හැටියට තිබුණේ නැත. ඔය කෝකත් ඕඩරය දී මහ වේලාවක් යන්න කලින් මේසයට වැඩම කරවීමට හැකි වීම විශේෂ දෙයක්ය. ඒ අතින් බැරකුඩාවේ කෑම සහ සේවය විශිෂ්ඨ බව කිව යුතුය. කෙසේ වුවත් සී ෆුඩ් ලෙස කට්ටිය ගත්තෙ දැල්ලන් පමණක්ය. අනික්වා ඌෂ්ණය.

කට්ටිය අතර සාකච්ඡාව යන අතරේ දෙවේලකට කපුටු කොණ්ඩ රුවුලා සහ උගේ ආදරණීය යක්ෂණී ඇටමාල බොක්සිනී ටයිසන් මෙනවිය සම්ප්‍රාප්ත විය. යන්න ඔන්න මෙන්න කියා තිබියදී පාන් ඕපන් සූසාගේ ආදරණීය යක්ෂණී රැවා ඇන්ටි මෙය ද මළ ගෙදරක සිට කඩිමුඩියේ වැඩම කළාය.

කට්ටිය කතා කල දේවල් ලියා ඔබ තමුන්නාන්සෙලාගේ ආතල් කැඩීමට නොහැක. එබැවින් එම ගැඹුරු දේශපාලන සාකච්ඡා සැකෙවින් සඳහන් කර නැවතීම යෙහෙකිය. එබැවින් ඔබලාගේ මනදොල ඇස කණ නාසය දිව ශරීරය සන්තර්පනය කරනු වස් එම කාරණා ෂෝට් නෝට් වශයෙන් පහතින් සඳහන් කරන බව කරුණාවෙන් සලකන්න.



සමහරුන්ට මාපට ඇඟිල්ල අනිත් පැත්තට නැවිය හැක. තවත් සමහරුන්ට අතේ ඇඟිලිවල මුල් පුරුක් පමණක් නැවිය හැකිය. තවත් සමහරු ඇඟිල්ල ආත්ම ප්‍රකාශණ මාධ්‍යයක් විධියට භාවිතා කරනවාය.

බුලත් කන්නෝ ආණ්ඩු විරෝදියෝය. උන් මහින්ද මාමාගේ ලෝගෝව කන්නෝය.

ක්වන්ටින් ටරන්ටිනෝ සිනමාත්මක රූප භාවිතයෙන් සහ චරිත සහ සිදුවීම් ගොඩනැංවීම යන කරුණු සම්බන්ධයෙන් ලොව විශිෂ්ඨතම තිර රචකයා/අධ්‍යක්ෂකවරයා වන්නේය.

සීයක් දමා මාරු වෙන්නට පැමිණෙන්නෝ මිත්‍ර ද්‍රෝහියෝය.

සියළු මාධ්‍යවේදියෝ ගෑණුන්ට චණ්ඩි පාට් දමන්නේ නැත.

දැන් දැන් පලවෙන සිංහල පොත් සහ පරිවර්තන කියවනවාට වඩා අමාරුවෙන් හරි කඩ්ඩෙන් කියවන්න පුරුදු වෙන එක නුවණට හුරු ය.

මල්බෝරෝ සිගරට් මුලින් සැරයි වගේ දැණුනාට සෙට් වුණාම මරුය.

ගෑණු අරක්කු කටේ ගාගත්තම පිරිමින්ට අන්තය.

ෆයිනල් මැච් එක දිනනවාය.

ඇනෝනිමස් යනු එතන හිටි එකෙකුට කියන තවත් නමකි.


මෙම කාරණා සහ තවත් නොයෙක් කාරණා සාකච්ඡා කරමින් බෝතල් දෙක සහ තවත් බියර් කෑන් කීපයක්ද, කෑම කිලෝ 10ක් පමණද හිස් කිරීමෙන් පසු බර ගාණක බිලක්ද ගෙවා හවස 4ට පමණ කට්ටිය බැරකුඩාවෙන් පිටත් විය. ගාළු පාරට පිවිස තම තම උවමනාව පරිදි බස්වල එල්ලී කට්ටිය විසිර ගියෝය.

බැරකුඩාවේ කුඩාවට සෙට් වුණේ ඔහොමය.

4 ක් මඩ ගහලා:

Kenji @ Japan said...

ඔච්චර සෙට් එකක් බෝතල් වලින් දෙකද බන්ස්ල ඉවර කොලේ....

ආගන්තුකයා | Stranger said...

අපි ඉතිං ලාවට බොන එවුන්නේ බං..
ඕක තමා ප්‍රමාණය..

hare :-) said...

මැච් එක නොතිබුණානං බලාගන්ඩ තිබුණා...

සෝරෝ said...

මරු නම් ටික... හික් හික්.... :D

Post a Comment